Gambar diambi pengudah lelak besenamrobik.
Thanks Syah laban udah nyadi tukang gambar kami.
Kena 10/10 ngagai 18/10 tu tadi, aku bisi dikangau ka Opis Ketua Menteri enggau
Kursus Induksi Umum ti diatur ba Centre of Modern Management (CMM) di Semenggok, Kuching. Penyampau kami ka dikangau ka enggau kursus maya nya bisi 68 iko ari pupu raban bansa sereta bermacam jabatan perintah negeri Sarawak. Majoriti sigi ari opis aku empu ianya Jabatan Tanah dan Survei, ditangkan ka enggau Kementerian Pembangunan Sosial, Forestry, DBKU, SMC, Pejabat Residen, Jabatan Pembentungan Sarawak enggau Majlis Adat Istiadat Sarawak.
Kumpulan aku : Kumpulan Bintang - bersinar dan menyerlah!
Juara keseluruhan sukaneka tajapan nadai hadiah,enda ngawa...
janji kitai udah menang 4 acara ari 12 iti acara ti bisi dipertandingka!
Maya kursus nya, bala kami dibagi ngagai kumpulan lalu aku masuk begulai enggau
Kumpulan Bintang ( Mohd Sedek, Jamaluddin, Kheliza, Phang, Fadzillah ) - Landsurvey,
( Leonora, Elvister) - Forestry, (Asfarina) - KPS, (Raden Hidayat) - SMC enggau ( Maria Tubak) - Majlis Adat Istiadat
Senamrobik ba pantai The Village, Sematan, Lundu.
Kena lemai 14/10/2011 kami bisi ngaga lawatan sosio-budaya ke Sematan. Maya tu pan rindu amat ga sepi aku. Lama ga aku udah diau di Kuching suba, tang aku enda kala ke Sematan.Tu meh peluang kena bejalai raun neresa menua orang. Mayuh aktiviti digaga bala AJK maya tu baka sukaneka, senamrobik enggau karaoke sampai pagi ( aku meh enggau orang maya nya tang ulih naka pukul 2 pagi aja, enda tan buntau ).
Persembahan ari Kumpulan Bintang - Man In The Mask!
Hari ke paling best bagi aku ianya maya Majlis Perpisahan kami lemai 18/10/2011.
Lama udah enda enggau orang bekejengkak ba atas pentas. Maya agi sekula suba baru selalu. Kami maya nya ngaga show tarian ala-ala Hawaii dicampur enggau tarian ba lagu Lazy Song enggau Melompat Lebih Tinggi ari Sheila On 7. Enjoy amat maya nya sampai kaban aku, Mohd Nurul Hafiz enggau Juliana madah ka aku ba ke ukai apai orang! Enda ngawa nya ko aku, sekali sekala..kemaya meh agi ka bakanya!
Geng...kita sigi semampai diati belama!
Digempung sekali, kursus tu bisi meri kesan ngagai aku tajapan enda lama. Mayuh penemu ka baru ditemu aku maya tu. Bisi ga penemu ke kumbai aku betul ngelamatu, udah datai kursus baru nemu nya bisi penimpang, bisi penyalah. Maya tu mega aku nemu reti kerjasama enggau pangan diri enda milih nuan nya sama ari jabatan diri empu tauka ari jabatan bukai. Kaul entara pangan diri sigi semampai tegut tajapan ka seminggu lebih aja ka begulai enggau pangan diri.
Terima kasih ngagai penyelaras kursus - En Zaini, Penghulu - En Azman enggau semua bala raban KIU laban ti udah kiruh nyendia ka birthday suprise ngagai kami tiga. Baru ia aku nyambut hari pengada dalam timpuh lebih ari 25 taun. Terharu....
Sekali agi, meri terima kasih ngagai bala semua laban ti udah sanggup nyadi kaban aku!
0 comments:
Post a Comment