Ngambi Buah Ke Pakan

Kena 24.9.2011 tu tadi,aku bisi nemuai ke Pakan. Misi utama - ka makai buah rian. Nasit amat ga agi ampit laban aku ti gawa di Kapit enda tentu ulih pulai ke menua belama.









Datai di langkau kebun apai ku di Batu 3, Jalai Entabai, Pakan, peda aku tak benung chapuh orang di langkau. Nemu nya bisi Apai Lija "lepak" enggau apai aku. Ngelaban En.Apek enggau En.Royal Stout.







Tajapan nemuai enda lama, tang ati cukup amat tepantup laban ti lama enda nemuai. Ikan di pegong peda aku majak mayuh,majak besai.




Laban ti sigi asal anak orang rumah panjai, enda "lengkap" ga penemuai enti enda ngabas rumahpanjai kami ba Rh Matu, Sg Sawa, Batu 3, Jalai Entabai. Enti enda salah ingat aku, rumahpanjai kami digaga dalam taun 1985. Mayanya aku baru berumur 5 taun, agi bedau nemu utai. Enti ingat pan, ingat-ingat lalat!



Datai di rumahpanjai,aku lalu ngelawa ini aku ba bilik sepiak. Ini ti paling sporting dalam dunya! Pia mega, bala kaban ka bukai. Sida bisi becerita ngagai aku madah ka enti maya lemai hari diatu nadai agi ninga munyi injin api. Sunyi ko sida. Ukai nama, laban rumahpanjai kami udah datai karan dalam taun tu tadi. Gawai tu sangka aku sigi amat-amat rami. Aku sigi enda tau enda pulai laban sigi nyadi DJ tetap tiap-tiap kali gawai!

Penulis : Danny Anyuk ~ Sebuah blog yang menyediakan berbagai macam informasi

Artikel Ngambi Buah Ke Pakan ini dipublish oleh Danny Anyuk pada hari Thursday, October 6, 2011. Semoga artikel ini dapat bermanfaat.Terimakasih atas kunjungan Anda silahkan tinggalkan komentar.sudah ada 0 komentar: di postingan Ngambi Buah Ke Pakan